放雞鴨
一放雞，二放鴨
三分開，四相疊
五搭胸，六拍手
七紡紗，八摸鼻
九咬耳，十拾起
一年仔倥倥
一年仔倥倥，二年仔孫悟空，
三年仔吐劍光，四年仔愛膨風，
五年仔上帝公，六年仔閻羅王，閻羅王。
大箍呆
大箍呆哎喲白目眉，無人請你就家己來。
來來大箍呆炒韭菜，燒燒一碗來，冷冷阮無愛。
大箍呆炒韭菜，燒燒一碗來，冷冷阮無愛。
大箍呆，到今你才知，到今你才知。
火金姑
火金姑來食茶，茶燒燒，食根蕉。
根蕉冷冷，食龍眼。
龍眼愛撥殼，換來食藍菝仔，藍菝仔全全籽，
害阮食一下落喙齒，害阮食一下落喙齒。
秀才騎馬弄弄來
秀才秀才騎馬弄弄來，
佇馬頂跋落來，跋一下真厲害。
喙齒疼，糊下頷。
目睭疼，糊目眉。
腹肚疼，糊肚臍。
嘿真厲害。
ABC狗咬豬
ABC狗咬豬，阿公仔坐飛機，
跋一下冷支支。
叫醫生，來甲伊醫，醫一下跤骨大小支，
醫一下跤骨大小支。
